Выхаванцы некалькіх спартыўных аддзяленняў пазмагаліся за першынство ў каляднай спартландыі.

Хлопцы прынялі ўдзел у камбінаванай эстафеце, дзе ім давялося бегаць пераскокваючы праз скакалку, спаборнічалі ў скачках з месца, бегу ў мяшках і многае іншае. Вельмі спадабалася эстафета "Паравозік", дзе капітан каманды - "паравоз", а гульцы - "вагончыкі", якія паступова чапляюцца да капітана.

У зале панаваў спартыўны азарт і весялосць. Каманды з энтузіязмам выконвалі заданні, імкнуліся толькі да перамогі. Калядная спартландыя скончылася для ўсіх спартсменаў радасна. Кожная каманда атрымала сваю ўзнагароду.